سەرۆک بارزانی و سەرۆکی دەزگەی ئەلمەدا پەرەسەندنە سیاسییەکانی عێراق و ناوچەکەیان تاوتوێ کرد

 

ئاڤا نیوز

ئەمڕۆ یەکشەممە سەرۆک بارزانی پیشوازی لە سەرۆکی دەزگەی ئەلمەدا بۆ ڕاگەیاندن و رۆشنبیری کرد و جەختیان لەسەر زامنکردنی سەقامگیری و پێکەوەژیان کردەوە.

ڕاگەیێنراوی فەرمی: بارەگای بارزانی ڕایگەیاند: ئەمڕۆ یەکشەممە لە سەلاحەددین سەرۆک مەسعود بارزانی پێشوازی لە فەخری کەریم سەرۆکی دەزگەی ئەلمەدا بۆ ڕاگەیاندن و ڕۆشنبیری و سەرۆکی ئەنجوومەنی عێراقی بۆ ئاشتی و هاوکاری کرد و گفتوگۆیان لەسەر چەند تەوەرێک کرد.

لە دیدارەکەدا گفتوگۆ لەسەر ئەم تەوەرانە کراوە:

٠ بیروڕا لەبارەی دوایین پەرەسەندنە سیاسییەکانی عێراق و ناوچەکە ئاڵوگۆڕ کرا.

٠ ڕێگەکان بۆ گەیشتن بە چارەسەریی کێشە سیاسییەکانی عێراق گفتۆگۆی لەبارەوە کرا.

جەخت لە بەردەوامیی هەوڵەکان لەپێناو دەستەبەرکردنی هەماهەنگیی نێوان لایەنە سیاسییەکان و زامنکردنی سەقامگیری و پێکەوەژیان کرایەوە.