پەیامی ئاکپارتی دوای بانگەوازەکەی ئۆجەلان

ئاڤا نیوز

 

ئەمڕۆ پێنج شەممە عەبدوڵڵا ئۆجەلان، ڕێبەری زیندانیکراوی پەکەکە، لە ڕێگەی شاندی ئیمرالییەوە پەیامێکی لەبارەی پڕۆسەی ئاشتی بڵاوکردەوە و ڕایگەیاند، داوا لە پەکەکە دەکەم چەک دابنێن و خۆی هەڵبوەشێنێتەوە، دواتر ئاکپارتی لە کاردانەوەی پەیامەکەدا ڕایگەیاند، دەبێت سەرنجمان لەسەر کاردانەوە بانگەوازەکە بێت.

 

ڕاگەیێنراوی فەرمی: عەبدوڵڵا ئۆجەلان، ڕێبەری زیندانیکراوی پەکەکە ڕایگەیاند، ئەو ئامانجەی پەکەکە بۆی دروست بوو بەشێکی بەدیهات. بەرامبەر ئەو دەستپێشخەریەی دەوڵەت باخچەلی ڕایگەیاند و سەرۆککۆمار پاڵپشتی کرد، بانگەوازی چەکدانان لە پەکەکە دەکەم و ئەم پرۆسەیە لە ئەستۆ دەگرم. داوا لە پەکەکە دەکەم کۆنگرەی خۆی بکات و هەموو گروپەکان خۆیان هەڵبوەشێننەوە.

 

 

پەیامی فەرمی:  ئاکپارتی دوای ڕاگەیاندنی بانگەوازەکەی ئۆجەلان ڕایگەیاند، "سەیری دەرئەنجامی بانگەوازەکە دەکەین".

 

لێدوانی فەرمی: ئیفکان ئالا، بریکاری ڕەجەب تەیب ئەردۆغان، سەرۆکی ئاکپارتی ڕایگەیاند،  ڕەجەب تەیب ئەردۆغان و ئاکپارتی هەموو ئەو کارانەیان کرد کە پێویست بوو بۆ لابردنی تیرۆر لە کارنامەی تورکیا. دەبێت سەرنجمان لەسەر دەرئەنجامی بانگەوازەکە بێت، دەرئەنجامەکەش گرنگە. "ئایا ڕێکخراوەکە پابەند دەبێت بە بانگەوازەکەوە، یاخود نا.