کۆشکی سپی پێشوازی لە پەیامەکەی ئۆجەلان دەکات

ئاڤا نیوز

 

ئەمریکا پێشوازیی لە پەیامەکەی عەبدوڵا ئۆجەلان، ڕێبەری زیندانیکراوی پەکەکە، دەکات کە داوا دەکات پەکەکە چەک دابنێت و خۆی هەڵبوەشێنێتەوە.

ڕاگەیێنراوی فەرمی: ئەنجوومەنی ئاسایشی نیشتیمانیی کۆشکی سپی لە ڕاگەیێنراوێکدا ئاماژەی بەوە پەیامەکەی ئۆجەلان کردووە و ڕایگەیاندووە، "ئەمە بەرەوپێشچوونێکی گرنگە و ئێمە هیوادارین یارمەتیی ئارامبوونەوەی تورکیای هاوپەیمانمان بدات سەبارەت بە هاوبەشییەکانمان لە ڕووبەڕووبوونەوەی داعش لە باکووری خۆرهەڵاتی سووریا."

 

- لە ڕاگەیێنراوەکەدا هەروەها هاتووە کە "ئێمە باوەڕمان وایە کە ئەمە ئاشتی دێنێت بۆ ئەم ناوچە پڕ لە کێشەیە."

زانیاریی زیاتر: دوای بڵاوکردنەوەی پەیامەکەی ئۆجەلان لەلایەن شاندی ئیمرالییەوە، لەسەر ئاستی ناوخۆی تورکیا و ئاستی نێودەوڵەتیی پێشوازی زۆری لێکرا.