لەسەر فەرمانی سەرۆک بارزانی پرۆژەیەکی خێرخوازی لە مانگی ڕەمەزان لە هەولێر ڕادەگەیێنرێت

ئاڤا نیوز

لەسەر فەرمانی سەرۆک بارزانی، فەرماندە مەنسوور بارزانی، فەرماندەی لەشكری تایبەتیی یەك و گوڵان، پڕۆژەیەکی خێرخوازی لە مانگی ڕەمەزاندا لە هەولێر ڕادەگەیێنێت.

چیرۆکی سەرەکی: ئەمڕۆ یەکشەممە 2025-03-02، فەرماندە مەنسوور بارزانی، سەردانی دیوانی پارێزگای هەولێری کرد، بەرنامەیەکی خێرخوازی بۆ سنووری پارێزگای هەولێر لە مانگی ڕەمەزاندا پێشکەشکرد، کە دەبێتە پاڵپشت بۆ هەژار و کامدەرامەتان و هاوکاری مزگەوتەکان دەکرێت لە پێناو بەرژەوەندی هاووڵاتییان.

ڕاگەیێنراوی فەرمی: ئۆمێد خۆشناو، پارێزگاری هەولێر، ڕایگەیاند: فەرماندە مەنسوور بارزانی، لەسەر فەرمانی سەرۆک بارزانی، بەرنامەیەکی خێرخوازی بۆ مانگی پیرۆزی ڕەمەزان پێشکەشی پارێزگای هەولێر کرد، کە لە بەیانییەوە سەدان فڕنی نان لە سنووری پارێزگای هەولێر بۆ خەڵکی هەژار و کەمدەرامەت بەخۆڕایی دەبێت، هاوکات دابینکردنی شیرینی و ئاو بۆ دوو  هەزار مزگەوت، لەلایەن فەرماندە مەنسوور بارزانی بودجەی تایبەتی بۆ تەرخانکراوە.

زانیاریی زیاتر: ئەم بەرنامەیە دەبێتە پاڵپشت بۆ مزگەوتەکان و هاوکار دەبێت بۆ کەسانی هەژار و کەمدەرامەت لە شاری هەولێر، بە تایبەتی ئەو کرێکارانەی لە دەرەوەی شاری هەولێر هاتوون لە شار دەمێنەوە.