بەرپرسێکی ئیسرائیل سەردانی ئەمریکا دەکات

ئاڤا نیوز

 

وەزیری دارایی ئیسرائیل سەردانی ویلایەتە یەکگرتووەکانی ئەمریکا دەکات، ئامانج لە سەردانەکە بەهێزکردنی پەیوەندییە ئابوورییەکانی نێوان هەردوولایە.

 

وێنە گەورەکە: دوای ئەوەی هەفتەی ڕابردوو ئاشکرا کرا کە وەزیری دارایی ئیسرائیل سەردانی ئەمریکا دەکات، بە مەبەستی ئەنجامدانی دیدار لەگەڵ سکۆت بێسنت، وەزیری گەنجینەی ئەمریکا بە ئامانجی هەماهەنگی ئابووری زیاتر لەنێوان هەردوو وڵات.

 

ڕاگەیێنراوی فەرمی: بیزالیل سمۆتریچ، وەزیری دارایی ئیسرائیل ئەمڕۆ سێشەممە ڕایگەیاند، بە سەردانێکی کورت و خێرا دەچێتە ئەمریکا.

 

زانیاریی بەدەستهاتوو: ئامانجی ئەم سەردانە بەهێزکردنی هاوکارییە ئابوورییەکانی نێوان ئیسرائیل و ئەمریکایە، هاوکات قووڵکردنەوەی هاوپەیمانی ستراتیژی نێوان هەردوو وڵاتە هەر وەک چۆن سمۆتریچ ئاماژەی پێداوە. 

 

بۆچی گرنگە: ئەم سەردانە لە کاتێکدایە کە لەگەڵ دەستبەکاربوونی کابینەی نوێی ترەمپ، بڕیارێکی ئیدارەی پێشوو  ئەمریکا کە جۆ بایدن سەرکردایەتیی دەکرد فرۆشتنی چەکی بە هاوپەیمانەکانی سنووردار کردبوو، ئێستا بەگوێرەی بڕیارەکە، ئەمریکا چەک بۆ هاوپەیمانەکانی لە ناویاندا ئیسرائیل دابین دەکات.