وردبینیکردن لە لیستی مووچەی مانگی دوو تەواو کرا

ئاڤا نیوز

 

وردبینیکردن بۆ لیستی مووچەی مانگی شووبات تەواو کراوە و ڕادەستی وەزیری دارایی عێراق دەکرێت.

 

وێنە گەورەکە: لیستی مووچەی مانگی شووبات بە سیستمی پەیڕۆڵ ئامادەکراوە و تەواوی داواکارییەکانی بەغدا جێبەجێکراون، هاوکات 600 و 57 هەزار و 780 کەس لە لیستی مووچەی مانگی دوو تۆمار کراون.

 

لێدوانی فەرمی: ئەندامێکی شاندی دارایی هەرێمی کوردستان لە بەغدا بە ئاڤا میدیای ڕاگەیاند: "لیستی مووچەی مانگی شووبات هیچ کێشەیەکی نەبووە، ئەمڕۆ وردبینی لیستەکە دەبێت و ڕادەستی وەزیری دارایی عێراق دەکرێت بۆ بڕیاردان لەبارەی خەرجکردنی مووچەی مانگی دوو.

 

زانیاریی زیاتر: لیستی خانەنشینان کە ژمارەیان زیاتر لە 291 هەزار خانەنشینە، بە سیستمی دیجتاڵی ئامادەکراوە و لەگەڵ لیستی مووچەی مانگی شووبات هاوپێچ کراوە.

 

ئەمەش بزانە: سیستمی پەیرۆڵ لەلایەن فەرمانگەی تەکنەلۆجیای زانیاریی حکومەتی هەرێمی کوردستانەوە کاری لەسەر دەکرێت و سیستمێکی پێشکەوتووی ئەلیکترۆنییە، زیاتر لە شەش هەزار کەس لەسەر سیستمەکە کار دەکات و نزیکەی هەزار و 188 بنکەی کار کردنی هەیە.