ترەمپ دەستەڵاتەکانی مەسک سنووردار دەکات

ئاڤا نیوز 

بە گوێرەی ڕاپۆرتی چەند میدیایەکی ئەمریکی، دۆناڵد ترەمپ سەرۆکی ئەمریکا کۆبوونەوەی بە وەزیرەکانی کابینەکەی کردووە و کۆبوونەوەکە گرژی تێکەوتووە.

چیرۆکی سەرەکی: لەمیانەی ئەو کۆبوونەوەی لە نێوان سەرۆکی ئەمریکا و وەزیرەکانی ئەو وڵاتە بەڕێوەچوو، گرژییەک لە نێوان ئیلۆن مەسک و مارکۆ ڕوبیۆ، وەزیری دەرەوەدا درووست بووە؛ مەسک بە ڕوبیۆی گوتووە، تۆ تا ئیستا هیچ کارمەندێکت دەر نەکردووە و نەتتوانیوە ژمارەی کارمەندەکانت کەم بکەیتەوە وەک ئەوەی کە ترەمپ پلانی بۆ داناوە.

زانیاریی زیاتر: لەو کۆبوونەوەیەدا وەزیرەکان ناڕەزایەتییان دەربڕیوە لەوەی کە مەسک دەستی وەرداوەتە کاروباری هەموو وەزارەتەکان بە تایبەت لە کەمکردنەوەی ژمارەی کارمەندان. 

ئەوەی پێویستە بیزانیت: هەر لەمیانەی کۆبوونەوەکەدا ترەمپ دەسەڵاتەکانی مەسک سنووردار دەکات و دەڵیت تەنها دەتوانیت ڕاوێژ بدەیتە وەزارەتەکان و بڕیاری کۆتایی لای وەزیرەکان خۆیانە، لە ئەنجامی ئەوەدا مەسک بە بڕیارەکانی سەرۆکی ئەمریکا ڕازیبووە و دانیناوە بەوە لەماوەی ڕابردوودا هەڵەی هەبووە و بەڵێنی چارەسەرکردنی داوە.