سویسرا بڕیارێک لەبارەی سامانەکەی بەشار ئەسەدەوە دەدات

ئاڤا نیوز

 

سویسرا هەنگاوی نوێ دەنێت بە ئامانجی تووندکردنەوەی زیاتری سزا داراییەکانی سەر سەرۆککۆماری پێشووی سووریا. 

 

وێنە گەورەکە: لەدوای کەوتنی دەسەڵاتی بەشار ئەسەد، سەرۆککۆماری پێشووی سووریا وڵاتانی جیهان هەنگاویان ناوە بۆ بلۆککردنی سەرجەم ئەو سامانە و موڵکانەی کە هەیەتی لە دەرەوەی سووریا، تاوەکو بەشەر ئەسەد جارێکی دیکە نەتوانێت ئەو سامانە بەکاربهێنێت، دەسەڵاتدارانی نوێی سووریاش داوایان کردووە ئەو سامانە بگەڕێندرێتەوە بۆ وڵاتەکەیان. 

 

ڕاگەیێنراوی فەرمی: لە بەیاننامەیەکی حکومەتی نوێی سویسرا ڕاگەیاندووە: بە تووندکردنەوەی سزاکان بۆسەر موڵک و ماڵی سەرۆککۆماری پێشووی سووریا دەمانەوێت دڵنیابین لەوەی هیچ سەروەت و سامانێکی سەربە حکومەتی پێشوو بۆ دەرەوەی سویسرا ناگوازرێتەوە. 

 

- سویسرا نزیکە 112.5 ملیۆن دۆلاری سامانی وڵاتانی بلۆککردووە کە نزیکەی دوو لەسەر سێ ئەو سامانە دەگەڕێتەوە بۆ ئەسەد و ئەندامانی خێزانەکەی و دەسەڵاتدارانی پێشووی سووریا.

- سویسرا هەوڵدەدات ئەو سامانەی بلۆککراوە بەکاربهێنرێتەوە بۆ خزمەتی گەلی سووریا. 

- ئەگەر هەیە سامانی خێزانەکەی ئەسەد نایاسایی بێت بۆیە دەمانەوێت لە بلۆککردنی تەواوەتی دڵنیا بینەوە. 

زانیاریی زیاتر: ئەم هەنگاوەی سویسرا بۆ دڵنیابوونەوەیە لە سەرچاوەی داهاتی خێزانەکەی ئەسەد تاوەکو ڕێگە نەدرێت پێش زانینی دادگا ئەو سامانە نەبرێتە دەرەوەی ئەو وڵاتە.