مارکۆ ڕۆبیۆ بۆ هاوتا ئۆکراینییەکەی: هێشتا ترەمپ سوورە لەسەر کۆتاییهێنان بە شەڕ

ئاڤا نیوز 

مارکۆ ڕوبیۆ، وەزیری دەرەوەی ئەمریکا لە پەیوەندییەکی تەلەفۆنی لەگەڵ ئەندری سیپیا هاوتا ئۆکراینییەکەی پەیامی ترەمپی سەبارەت بەشەڕی نێوان ڕووسیا و ئۆکراینا  پێدەگەیێنێت.

 
ڕاگەیێنراوی فەرمی: وەزارەتی دەرەوەی ئەمریکادا بڵاویکردەوە، مارکۆ ڕوبیۆ، وەزیری دەرەوەی ئەمریکا بە ئەندری سیپیا، وەزیری دەرەوەی ئۆکراینای ڕاگەیاند، دۆناڵد ترەمپ، سەرۆکی ئەمریکا بڕیاریداوە بە زووترین کات کۆتایی بە شەڕی نێوان ڕووسیا و ئۆکراینا بهێنێت. لە پەیامەکەیدا ترەمپ دووپاتیدەکاتەوە کە دەبێت هەموو لایەنەکان هەنگاو بنێن بۆ دەستەبەرکردنی ئاشتییەکی بەردەوام.

 

بۆچوونی لایەنی  بەرامبەر: وەزیری دەرەوەی ئۆکراینا لەبەرامبەر ئەم قسانەدا ڕایگەیاند، ئەم قسانەی ترەمپ "بانگەوازێکی بونیادنەرە". دەشڵێت وڵاتەکەی دەیەوێت کۆتایی بە شەڕەکە بهێنێت، سەرکردایەتی ئەمریکاش پێویستە بۆ گەیشتن بە ئاشتییەکی هەمیشەیی.

 

باکگراوند: شەڕی سێ ساڵەی نێوان ڕووسیا و ئۆکراینا کە لە ساڵی 2021ـەوە دەستیپێکرد، تائێستاش بەردەوامە. لەدوای گەڕانەوەی بۆ کۆشکی سپی، دۆناڵد ترەمپ هەوڵەکانی خستۆتەگەڕ بۆ ئەوەی بەزووترین کات کۆتایی بەم شەڕە بهێنێت، داواشی لە وڵاتانی ئەوروپا کردووە بۆ ئەوەی بەرپرسیارەتیی زیاتر هەڵبگرن بۆ دەستەبەرکردنی ئاشتی لەنێوان هەردوولا.