وەزارەتی خوێندنی باڵا بڕیارێك لە بەرژەوەندی خوازیارانی زەمالەی توركیا دەدات

ئاڤا نیوز

وەزارەتی خوێندنی باڵا ئۆفەرێك پێشكەش بەو فەرمانبەر و مامۆستایانە دەكات كە داواكارییان بۆ زەمالەی خوێندن لە توركیا پێشكەش كردووە كە لەڕێگەی ناردنی زانیاریی پێویست بۆ ئیمەیڵی وەزارەتەكە، بۆیان دەخاتە پڕۆگرامی سكۆلەرشیپ.

وێنە گەورەكە: وەزارەتی خوێندنی باڵا و توێژینەوەی زانستیی حكومەتی هەرێمی كوردستان لەبارەی پڕۆگرامێكی سكۆلەرشیپ ئاگادارینامەیەكی بڵاوكردووەتەوە و تێیدا 13 كورسی بۆ خوێندنی ماستەر و دكتۆرا ڕاگەیاندووە.

ڕاگەیێنراوی فەرمی: بەپێی ئاگادارییەكەی وەزارەتی خوێندنی باڵا، هەموو ئەو فەرمانبەر و مامۆستایانەی كە لەسەر میلاكی وەزارەتەكەن یاخود لەسەر میلاكی فەرمانگە و وەزارەتەكانی دیكەی حكومەتی هەرێمی كوردستانن و داواكارییان بۆ زەمالەی خوێندن لە وڵاتی توركیا پێشكەشكردووە و دەیانەوێت بخرێنە چوارچێوەی سكۆلەرشیپی وەزارەت كە ژمارەی كورسییەكانی خوێندن 13 كورسییە، ئەوا لەڕێگەی ئەو ئیمەیڵەی خوارەوە زانیاریی پێویستی نێو فۆرمەكە ڕەوانە بكەن.

ئەوەی پێویستە بیزانیت: خوازیاران تاوەكو 19-3-2025، دەرفەتیان هەیە زانیاریی پێویست ڕەوانەبكەن بۆ ئەوەی ڕێكاری پێویستی بۆ بكرێت و چانسی وەرگرتنیان زیاتر بێت، هاوكات داوایكردووە سەرجەم زانیارییەكان بە یەك فایلی 'PDF' بنێرن و فایلەكەش بەناوی خودی پێشكەشكار بێت بۆ ئەوەی لەزووترین كاتدا ڕەوانەی زانكۆكانی توركیا بكرێت.

بەستەری ئیمەیڵی وەزارەتی خوێندنی باڵا