زێلێنسکی: ڕووسیا بیانوو دەدۆزێتەوە و شەڕەکە درێژ دەکاتەوە

ئاڤا نیوز

 

ڤۆلۆدیمیر زێلێنسکی، سەرۆکی ئۆکراینا دەڵێت، گومان لە نیازی مۆسکۆ هەیە و پێیوایە ڕووسیا بە دوای بیانووی تازەدا دەگەڕێت بۆ ئەوەی شەڕەکە درێژ بکاتەوە و ڕێ لە کۆتاییهاتنی بگرێت. 

ئەوەی پێویستە بیزانیت: ئەم لێدوانەی زێلێنسکی لە کاتێکدایە، دۆناڵد ترەمپ، سەرۆکی ئەمریکا ڕایگەیاند، گەشبینە بەوەی ڕووسیا پڕۆژەی ئاگربەستەکەی پەسەند بکات.

لێدوانی فەرمی: زێلێنسکی دووپاتی کردەوە، وڵاتەکەی پێشنیازەکەی ئەمریکای بۆ ئاگربەست پەسەند کردووە و ئەگەر ڕووسیاش بیەوێت ئەوا لە گەیشتن بە ئاگربەست و کۆتاییهاتنی جەنگ نزیک دەبنەوە. ئەو هەروەها داوا دەکات گوشارەکان بۆ سەر مۆسکۆ زیاتر بکرێن.