هەینی یەکەم ڕۆژی "لەنگەری بەهارە"

ئاڤا  نیوز

 

سبەی هەینی لەو وڵاتانەی دەکەونە نیوەگۆی باکووری زەوی، یەکەم ڕۆژی بەهارە و پێی دەوترێت "لەنگەری بەهار".

 

وێنە گەورەکە: لە کوردستان 21-3ـی ساڵی زاینی وەک یەکەم ڕۆژی ساڵی نوێی کوردی و یەکەم ڕۆژی نەورۆز دیاریکراوە. ئەمساڵ 2725ـی کوردییە.

 

لێدوانی فەرمی: سیروان ساڵح، پسپۆڕی جوگرافیا و کەشناسی بە ئاڤا میدیای وت، سبەی لە نیوەگۆی باکووری زەوی لەنگەری بەهارە و لە نیوەگۆی باشووری زەوی لەنگەری پایزە. هەموو ساڵێک لەو ڕۆژە تیشکی خۆر لەسەر هێلی سفری بازنەی پانیی کە دەکاتە ناوەڕاستی زەوی نیوەگۆی باکوور و باشووری زەوی لێک جیادەکاتەوە.

 

سیروان ساڵح دەڵێت: لەم ڕۆژەدا تيشكى خۆر به‌ يه‌كسانى به‌رهه‌موو ناوچه‌كانى گۆى زه‌وى ده‌كه‌وێت، شه‌و و ڕۆژ له‌ سه‌رانسه‌رى جيهان يه‌كسان ده‌بن، جگە لە ناوچە جەمسەرییەکان.