فۆرین پۆڵێسی: حووسییەکانی یەمەن لە بنکە سەربازییەکانی خاڵس مەشق دەکەن

ئاڤا نیوز

 

هاوتا لەگەڵ هەڵکشانی گرژییەکان لە دەریای ناوەڕاست و بۆردومانکردنی حوسییەکان لە یەمەن، پێگەی فۆرین پۆڵیس ڕاپۆرتێکی لەبارەی جموجۆڵی حووسییەکان بڵاودەکاتەوە. 

 

بڵاوکراوەی فەرمی: لە بەشێکی ڕاپۆرتەکەی فۆرین پۆڵیسیدا هاتووە، لە چەند ساڵی ڕابردوودا بەرپرسانی باڵای حیزبوڵڵا و سوپای پاسدارانی ئێران بەپێدانی مەشق و ئاڵوگۆڕی زانیاریی هەواڵگری پاڵپشتی حووسییەکانی یەمەنییان کردووە، تەنانەت لە دوای ڕووخانی ڕژێمی بەشار ئەسەد لە مانگی کانوونی دووەمی ساڵی ڕابردوو لە سووریا، بەشێکی زۆر لە بەرپرس و فەرماندەکانی حیزبوڵڵا کە لە سووریا و لوبنان جێگیر بوون تەنانەت بەشێکیش لە بەرپرسی میلیشیا شیعەکانی عێراقیش بۆ یەمەن گوازراونەتەوە.

 

-    حووسییەکانی یەمەن لە عێراق بوونیان هەیە، کە نووسینگەیان لە بەغدا هەیە و لە کەرکووک و باشووری عێراقیش نووسینگەی بچووکیان کردووەتەوە. 

-    شەڕکەرە حووسییەکان سەربازگەیەکی مەشقکردن لە ناوچەی خاڵسی دیالە بەکاردەهێنن بۆ ڕاهێنان. 

-    بەشێک لە سەربازانی حەشدی شەعبی کە لەلایەن ئێرانەوە پاڵپشتی دەکرێن لە ماوەی ڕابردوو گەڕاونەتەوە یەمەن. 

-    حووسییەکان پێگەی خۆیان لە عێراق بەهێز کردووە. 

-    چەند کۆمپانیایەکی وەهمی پاڵپشتی دارایی بۆ حووسییەکان دابین دەکەن لە عێراقەوە. 

-    ئێران درۆن و مووشەکی بالستی بۆ حووسییەکان دابین کردووە.