وەزارەتی پێشمەرگە: ئامادەین بۆ گیان فیدایی و پاراستنی دەستکەوتەکانی هەرێمی کوردستان

ئاڤا نیوز

 

وەزیری پێشمەرگە و بەشێک لە ئەفسەرانی لە لیوای دووی پیادەی سنووری پێنجی پێشمەرگە لە میحوەری پردێ بەشدارییان لە هەڵکردنی ئاگری نەورۆز کرد.

 

چیرۆکی سەرەکی: لەگەڵ هاتنی جەژنی نەورۆز و سەرساڵی نوێی کوردی، بەشێک لە ئەفسەران و وەزیری پێشمەرگە بەمەبەستی کردنەوەی ئاگری نەورۆز و بەرز ڕاگرتنی ئەو یادە سەردانی سنووری میحوەری پردێیان کرد و پیرۆزباییان لە یەکتری کرد و هیوای هاتنی خێر و خۆشیان خواست.

 

ڕاگەیێنراویی فەرمی: وەزارەتی پێشمەرگە لە ڕاگەیێنراوێکدا باسی لەوە کردووە، نەورۆز جەژنی پیرۆزی نەتەوەیی کورد و هێمای سەركەوتن و ژیانەوە و ئازادیی نەتەوەکەمانە و سەرەتای ساڵێکی نوێیە وەک هەمیشە ھاووڵاتیانی کوردستان بە خۆڕاگری و نیشتمانپەروەرییان، هێزی پێشمەرگەی کوردستانیش بە قارەمانێتی و بەرخودان و قوربانیدانیان، بەگیانی خۆبەختکردن و گیان فیدایی بۆ پاراستنی دەسکەوتەکانی هەرێمی کوردستان و سەرکەوتن بەسەر نەیارانیان بەردەوام ئامادەییان هەیە بۆ ئەوەی پارێزگاری لە ئەزموونی نیشتیمانەکەیان بکەن.

 

- نەورۆز جگە لە هاتنی بەهار و نوێبوونەوەی سروشت، مانای ئازادیخوازی و ڕاپەڕین لەدژی ستەمكاریش دەدات.

- كورد لە نەورۆزدا ڕاپەڕینی كردووە بۆ ئەوەی لەژێر دەستی ڕزگاری بێت و ئازادی بە دەست بهێنێت.