زیاتر لە 15 ملیار دینار پارەی گەنمی جووتیاران خرایە سەر هەژماری وەزارەتی بازرگانی

ئاڤا نیوز

وەزارەتی بازرگانی و پیشەسازیی هەرێمی كوردستان ئاشكرای دەكات بڕی 15 ملیار دینار پارەی گەنمی جووتیاران خرایە سەر هەژماری وەزارەتەكە.

ڕاگەیێنراوی فەرمی: وەزارەتی بازرگانی و پیشەسازی ئاشكرای دەكات كە ئەو بڕە پارەیە وەك شایستەی گەنمی جووتیارانە بۆ ساڵی 2025، شەش ملیار بۆ سلێمانی و پێنج ملیار بۆ هەولێر و چوار ملیار و پێنجسەد ملیۆنیش بۆ جووتیارانی دهۆكە.

زانیاریی زیاتر: بەپێی ڕاگەیێنراوەكە سبەی لە هەولێر دەست بە دابەشکردن دەکرێت و هەفتەی داهاتووش لە سلێمانی و دهۆک دەستپێدەکات.

ئەمەش بزانە: بەپێی ڕۆژی ڕادەستکردنی گەنمەکانیان بۆ ئەو جووتیارانەی لە یەک تۆن تا پەنجا تۆنیان لێ وەرگیراوە شایستەکان وەردەگرن، پاشان ئەوانەی بڕی زیاتریان ڕادەست کردووە وەریدەگرن.