ئەو کەسەی تەقەی لە کونسووڵخانەی عێراق لە ئیستەنبووڵ کرد دەستگیر کرا

ئاڤا نیوز

 

ئەو دوو کەسە دەستگیرکران کە شەوی ڕابردوو بەسواری ماتۆڕسکیلێکەوە تەقەیان لە کونسووڵخانەی عێراق لە ئیستەنبووڵ کرد، تۆمەتبارەکان سەر بە گرووپی داڵتۆنن و دوای هێرشەکەیان پەشۆکاون و تووشی ڕووداوی هاتووچۆ بوون.

 

ئەوەی پێویست بیزانیت: کاتژمێر 9ـی شەوی ڕابردوو، دوو چەکدار تەقەیان لە بینای کونسووڵخانەی عێراق لە ناوچەی شیشلی ئیستەنبووڵ کرد و هەڵاتن، ڕووداوەکە زیانی گیانی نەبوو بەڵام باڵەخانەی کونسووڵخانەی عێراق زیانی بەرکەوت.

 

زانیاریی بەدەستهاتوو: ڕۆژنامەی سەباحی تورکی بڵاویکردەوە، دوو هێرشکارەکە لەکاتی هەڵاتنیان تووشی ڕووداوێک بوون و لەلایەن تیمی ڕووبەڕووبوونەوەی تاوانە ڕێکخراوەکانەوە دەستگیرکراون.

 

ئەمەش بزانە: ئەو هێرشکارانە سەر بە گرووپی داڵتۆنن و هەموو ڕێکارێکی یاسایی لەدژیان گیراوەتەبەر، داڵتۆن بە یەکێک لە مەترسیدارترین گرووپە تاوانکارییەکان دادەنرێت کە لە بەقاچاخبردنی چەک و ماددەی هۆشبەر لە ئاستی نێودەوڵەتیی کار دەکەن و پارە و باجیش لە ژێر هەڕەشەدا لە خەڵک وەردەگرن.