مەشهەدانی داوای بە تاوان ناساندنی بانگەشەی مەزهەبی دەکات

ئاڤا نیوز

 

سەرۆکی پەرلەمانی عێراق داوا دەکات دژی گوتاری مەزهەبی لە پەرلەمان یاسایەک دەربکرێت و هەموو ئەو پێگە و ماڵپەڕ و پەیجانەش دابخرێن کە بانگەشەی مەزهەبی دەکەن.

 

چیرۆکی سەرەکی: لەگەڵ نزیکبوونەوەی هەڵبژاردنی پەرلەمانی عێراق، لایەنەکانی سوننە و شیعە بانگەشەیەکی ساردییان لە تۆڕە کۆمەڵایەتییەکان دەستپێکردووە و هەردوولاش لە پەیامەکانیاندا وتاری مەزهەبی بۆ ڕاکێشانی هەست و سۆزی جەماوەر بەکاردەهێنن.

 

لێدوانی فەرمی: مەحموود مەشهەدانی، سەرۆکی پەرلەمانی عێراق لە پەیامێکدا دەڵێت، عێراق بەهۆی ناکۆکی مەزهەبییەوە شەڕێکی سەختی بەسەر هات و زۆری چەشت؛ بەمدواییانە بانگەشەی وتاری مەزهەبی زیادیکردووە بەتایبەتیش کە لە هەڵبژاردنەکانی ساڵی 2025 نزیک دەبینەوە.

 

ئەوەی پێویستە بیزانیت: بەشێکی دیکە پەیامەکەی مەشهەدانی:

 

-هەنگاوی یەکەم پێویستە یاسای بە تاوانناساندنی بانگەشەی مەزهەبی دەربچێت.
-هەنگاوی دووەم داوا لە تۆڕە کۆمەڵایەتییەکان بکرێت هەموو ئەو پێگانەی بانگەشەی مەزهەبی دەکەن دابخرێن.
-هەنگاوی سێیەم بۆچوونی مەرجەعی هەموو مەزهەبەکان لەسەر ئەم یاسایە وەربگیرێت. 
-هەنگاوی چوارەم سەرکردەکان هانی لایەنگرانیان بدەن کە پەیامی مەزهەبی بڵاونەکەنەوە.
-هەنگاوی پێنجەم ستەم لەسەر ڕۆڵەکانی هەر مەزهەبێک کە لە عێراق هەیە، ستەمەکەیان لەسەر هەڵبگیرێت.