متمانە لە سەرۆکی ئەنجوومەنی پارێزگای دیالە دەسەنرێتەوە

ئاڤا نیوز

 

ئەنجوومەنی پارێزگای دیالە، بەکۆی دەنگ متمانەی لە عمر ئەلکروی، سەرۆکی ئەنجوومەنەکە سەندەوە و دەرگای خۆپاڵاوتنی بۆ ئەو پۆستە کردەوە.

 

ئەوەی پێویستە بیزانیت: ئەنجوومەنی پارێزگای دیالە، چەندین پرسیاری ئاراستەی عمر ئەلکروی، سەرۆکی ئەنجوومەنی پارێزگای دیالە کردبوو، پەیوەست بە تێوەگلان لە دۆسییەکانی گەندەڵی دارایی و ئیداری و بەکارهێنانی دەسەڵاتەکانی بۆ بەدەستهێنانی سەروەت و سامان.

 
چی ڕوویدا: یەکشەممە 2025-3-23، ئەنجوومەنی پارێزگای دیالە کۆبووەوە، لە کۆبوونەوەکە گوێیان لە وەڵامەکانی سەرۆکی ئەنجوومەن گرت لەسەر ئەو پرسیارانەی ئاراستەیان کردبوو، بەڵام ئەندامانی ئەنجوومەنەکە بڕویان بە وەڵامەکانی نەهێنا و بە کۆی دەنگ بڕیاری سەندنەوەی متمانەیان لە سەرۆکایەتی ئەنجوومەنەکە دا.

 

کاریگەریی و لێکەوتەکان: عومەر ئەلکروی، سەرۆکی لەکارلادراوی ئەنجوومەنی پارێزگای دیالە، کۆبوونەوەکەی جێهێشت و لە کۆنگرەیەکی ڕۆژنامەوانیدا ڕایگەیاند، دانیشتنەکە نایاسایی بووە.

 

لێدوانە فەرمی: پێش دانیشتنەکە، عمر ئەلکروی، سەرۆکی ئەنجوومەنی پارێزگای دیالە ئەوەی دووپات کردبووەوە کە ئەو "لە هیچ دۆسیەیەکی گەندەڵی دارایی و ئیداریدا بەشدار نەبووم، دەسەڵاتەکانم بۆ بەدەستهێنانی سەروەت و سامان نەقۆستۆتەوە و سوێندەکەم نەشکاندووە".