ل زاخۆ چار ئاڤاهیێن حكوومەتێ بۆ پاركەكا گشتی دێ هێنە خرابكرن

ئاڤا نیوز

ل ئیدارا سەربەخۆ یا زاخۆ، چار ئاڤاهیێن حكومەتا هەرێما كوردستانێ بۆ پتر خزمەتكرنا گشتی، دێ هێنە خرابكرن و شوینا وان بنە پاركەكا گشتی.

بۆچی گرنگە: پەیوەندی ب ژیانا وەلاتیان ڤە یە.

لێدوانا فەرمی:  مشیر محمد بەشیر، قایمقامێ قەزا ناڤەندی یا زاخۆ بو ئاڤا نیوز دیاركر: بۆ خزمەتا بەرژوەندیا گشتی، ئاڤاهیێن بەرێ یێن رێڤەبەریا ئاسایشا زاخۆ، رێڤەبەریا كارەبا زاخۆ بانكا خانوبەران، ئاڤاهیێ دادگەها زاخۆ، دێ هێنە خرابكرن، تا كو ل شوینا وان پاركەكا گشتی بهێتە درۆستكرن.

زانیاریێن زێدەتر: دەست ب كاری د پرۆژێ ناڤبری دا هاتیە كرن،ژڤانە ئەڤسالە پاركەكا گشتی و پێشكەفتی ل جهێ وان چار ئاڤاهیان بهێتە درۆستكرن.

ئەوا پێدڤیە بزانی : دەست ب خرابكرنێ هایتە كرن و بریارە د ئەڤ سالەدا ئەردێ ڤان هەرسێ رێڤەبەریان و بانكێ بتە پارك و هاولاتی ژی مفاداربن .

باكگراوەند: پشتی ل دەمێ بوری زاخۆ بوویە ئیدارا سەربەخۆ، رۆژ بۆ رۆژ گرنگیەكا زێدەتر ب كەرتێ گەشتیاری و وەبەرهێنانێ دهێتە دان تا كۆ زورترین گەشیار ل ئیدارا سەربەخۆ یا زاخۆ بهێنە دیتن.