30 ملیۆن هاووڵاتی ئێرانی لەژێر هێڵی هەژارییەوەن

ئاڤا نیوز

 

بەرپرسێکی ئێران باس لە سیاسەتی سەردەمی محەممەد خاتەمی، سەرۆکی پێشووتری ئێران دەکات و دەڵێت؛ سەردەمی ئەو ئابووری وڵات باشتر بوو هەرچەند شارەزا نەبوو لەو بوارەدا.

  
وێنە گەورەکە: ئەندامێکی کۆمەڵەی دەستنیشانکردنی بەرژەوەندی سیستمی وڵات لە گفتوگۆیەکیدا دەڵێت؛ لە سەردەمی خاتەمی سیاسەتی دەرەوەی وڵات زۆر باش بوو هاوکات هێڵی هەژاری بەو ڕادەیە نەگەیشتبووە هێڵی سوور.

 

ڕاگەیێنراوی فەرمی: محەممەد سەدر، ئەندامی کۆمەڵەی دەستنیشانکردنی بەرژەوەندی سیستمی وڵات ڕایگەیاند: کێشەی ئابووری وڵات خەریکە هاووڵاتیان لەناودەبات، 30 ملیۆن کەس لەژێر هێڵی هەژارییەوە دەژین، سیستمی وڵات بەرەو وێرانتر دەڕوات، لە سەردەمی خاتەمی کە هیچ شارەزای ئابووریش نەبوو لەوپەڕی باشیدا بووین لە سەردەمی ئەودا پەیوەندیمان لەگەڵ وڵاتانی ئەوروپادا باش بوو، لەگەڵ ئەوەشدا هاوکاری ماددی فەڵەستین و حیزبوڵڵای لوبنانمان دەکرد، خۆم ئەوکات بەرپرسی بەش بووم. 

 

زانیاریی زیاتر: بەهۆی ئەو سزا ئابورییانەی ئەمریکا لەسەر ئێران دایناوە باری گوزەرانی هاووڵاتیانی ئێران لە خراپیدایە و بەهای دراویشیان تا دێت بەرامبەر دۆلار دادەبەزێت.