48 هەزار ناو لە لیستی چاودێریی کۆمەڵایەتی دەردەهێنرێن

ئاڤا نیوز

وەزارەتی کار و کاروباری کۆمەڵایەتی عێراق ئاشکرایکرد، زیاتر لە 48 هەزار ناو لە تۆڕی چاودێری کۆمەڵایەتی دەرهێنراون و دابەشی سەر بەشێک لە وەزارەتەکانی دیکە کراون.

لێدوانی فەرمی: حەسەن خاوەم، گوتەبێژی وەزارەتی کار و کاروباری کۆمەڵایەتی عێراق ڕایگەیاند: دوای ئەوەی پشکنینی چری تەندروستییان بۆ کراوە و دەرکەوتووە توانای کارکردنیان هەیە، وەزارەتی کار زیاتر لە 48 هەزار کەسی لە تۆڕی پاراستنی کۆمەڵایەتی دوورخستووەتەوه و بەسەر ئەم وەزارەتانەدا دابەشی کردوون. 

- 29 هەزار کەس وەک کرێکاری گرێبەست گواستراونەتەوە بۆ وەزارەتی ناوخۆ.

- هەشت هەزار و 500 کەس لەلایەن ئەنجوومەنی ڕاژەی فیدراڵییەوە دامەزراون.

- هەشت هەزار و 500 کەس پێشتر وەک کرێکاری کەرتی تایبەت تۆمارکراون یان وەک ئەوانەی قەرزی بێ سوودیان پێدراوە بۆ ئەوەی بچنە ناو بازاڕی کارەوە، دۆسییەکانیان ئاشکرا بووە و دورخراونەتەوە.

- دوو هەزار و 500 کەس بەگرێبەست گواستراونەتەوە بۆ وەزارەتی پەروەردە.

- وەزارەتی کار بەنیازە بەشێکی دیکە لە سودمەندانی چاودێری کۆمەڵایەتی کە توانای کارکردنیان هەیە، بگوازێتەوە بۆ وەزارەتەکانی ناوخۆ، داد، ڕۆشنبیری، و پەروەردە و ئەنجوومەنی ڕاژەی فیدراڵی بۆ دامەزراندنیان.