لە چوار پارێزگای عێراق ئۆپەراسیۆن دژی داعش دەستیپێكرد

ئاڤا نیوز

هێزە ئەمنییەکانی عێراق لە سنووری پارێزگاکانی دیالە، ئەنبار و سەڵاحەددین و نەینەوا ئۆپەراسیۆنێکی ئەمنییان ڕاگەیاند، کە ئامانج لێی ڕاوەدوونانی پاشماوەکانی داعش و دۆزینەوەی حەشارگەکانیانە.

ئەوەی پێویستە بیزانیت: میدیاکانی عێراق ئاشکرایانکرد: ئەمڕۆ چەکدارانی داعش لە ئەنبار، هێرشیان کردووەتە سەر چەند کەسێک، کە خەریکی کۆکردنەوەی دۆمەڵان بوون و سێ کەسیان لێ ڕفاندوون.

لەلایەکی دیکەوە: بە گوتەی بەرپرسانی ئەمنیی عێراق، جموجووڵی چەکدارانی داعش لە عێراق زیادبووە و تاکتیکی هێرشەکانیشیان بە هەندێک گۆڕانکارییەوە جێبەجێ دەکەن.

باکگراوند: ڕۆژی 8-3-2024، لە ئەنبار لەکاتی ئۆپەراسیۆنێکی ئەمنی بۆ بەدواداچوونی پاشماوەکانی داعش بەهۆی تەقینەوەی بومبێکی چێنراو، دوو ئەندامی هێزە ئەمنییەکانی عێراق کوژران.