پێشەوا هەورامانی: پێش جەژن مووچەی سەرجەم فەرمانبەران دابەش دەكەین

ئاڤا نیوز

وتەبێژی حكومەتی هەرێمی كوردستان ڕایدەگەیەنێت، "ئەگەر پارەكەی بەغدا بگاتە دەستمان، پێش جەژن مووچەی سەرجەم مووچەخۆران دابەش دەكەین".

وێنە گەورەكە: ئەمڕۆ 25-3-2025، ڕێکارەکانی ناردنی مووچەی مانگی سێ تەواو بوو و سبەی چوارشەممە پارەکە دەخرێتە سەر هەژماری بانکی وەزارەتی دارایی و ئابووری لە لقی هەولێری بانکی ناوەندی عێراق کە بڕەکەی 954 ملیار و 880 ملیۆن و 467 ملیۆن و 779 دینارە.

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان لە كۆنفرانسێكی ڕۆژنامەوانیدا ڕایگەیاند، "ئەگەر پارەکەی بەغدا بگاتە دەستمان، پێش جەژنی ڕەمەزان مووچەی تەواوی فەرمانبەران دابەش دەکەین".

- "لەگەڵ حکومەتی فیدراڵ هەنگاوی باشمان بڕیوە و لەسەر زۆربەی ئەو کێشە تەکنیکییانەی مووچە کە هەبوون چارەسەر دۆزراوەتەوە".

زانیاریی بەدەستهاتوو: هەر لەبارەی ڕاگەیاندنی لیستی دابەشکردنی مووچەی فەرمانبەران، سەرچاوەیەک لە وەزارەتی دارایی بە ئاڤای ڕاگەیاند، "خشتەی دابەشکردنی مووچە لەگەڵ مانگی ڕابردوو گۆڕانکارییەکی ئەوتۆی تێدا ناکرێت، هەرکات پارە گەیشت هەماهەنگییەک لەگەڵ تیمی هەژماری من دەکەن بۆ ئەوەی بزاندرێت ئەم مانگە بڕی چەندی مووچە لەڕێگەی هەژماری منەوە خەرج دەکرێت و چەندیش بە کاش دەبێت."