کامێرای نوێی تۆمارکردنی تیژڕۆیی لەسەر ڕێگای سلێمانی – تاسڵوجە دەکەونەکار

ئاڤا نیوز

 

لەسەر ڕێگای سلێمانی- تاسڵوجە، 12 کامێرای نوێ دانراون کە بە سیستمێکی پێشکەوتوو کاردەکەن، بڕیارە لە دوای جەژنی ڕەمەزان بکەونەکار و تیژڕۆیی شۆفێران تۆمار بکەن.

 

لێدوانی فەرمی: عەمید ئاسۆ محەممەد، بەڕێوەبەری ھاتووچۆی سلێمانی بە ئاڤا میدیای ڕاگەیاند، ئەو کامێرایانە بە سیستمێکی نوێ و پێشکەوتوو کار دەکەن، ڕاستەوخۆ سەرپێچییەکە دەگوازنەوە بۆ بەڕێوەبەرایەتیی هاتووچۆ و جۆری سەرپێچییەکان دیاری دەکەن.

 

ئەوەی پێویستە بیزانیت: بەگوتەی عەمید ئاسۆ محەممەد، ئەو کامێرایانە خاڵ بۆ خاڵ نین و  بەکارهێنانی مۆبایل و نەبەستنی پشتێنی سەلامەتی وەکو سەرپێچی تۆمار ناکەن.

زانیاریی زیاتر: بەشی زۆری دانانی کامێراکان تەواو کراوە کە خۆی لە 12 کامێرا دەبینێتەوە، تەواوی ڕێگای سلێمانی- تاسڵوجە پێکەوە دەبەستنەوە.