دەست بە دابەشكردنی دووەم سەبەتەی خۆراكی ئەمساڵ دەكرێت

ئاڤا نیوز

وەزارەتی بازرگانی و پیشەسازیی حكومەتی هەرێمی كوردستان سەبارەت بە دابەشكردنی دووەم سەبەتەی خۆراكی ئەمساڵ، ئاگادارییەك ئاراستەی هاووڵاتیان دەكات.

وێنە گەورەكە: حكومەتی عێراق مانگانە سەبەتەی خۆراك بە هەر خێزانێك دەدات بە دانیشتووانی هەرێمی كوردستانیشەوە، بەڵام ئێستا كە كۆتایی مانگی سێیە تەنیا یەك سەبەتەی خۆراك دابەش كراوە و هۆكاری دواكەوتنەكەیشی دیار نییە.

ڕاگەیێنراوی فەرمی: وەزارەتی بازرگانی ڕایگەیاند: هاووڵاتیان ئاگادار دەكەینەوە كە لە داهاتوویەكی نزیكدا بەشی دووەمی سەبەتەی خۆراک بۆ ئەمساڵ دابەش دەکرێت و  ئێستا لیست دەدرێتە بریکارەکان و دواتر دەست بە دابەشکردن دەکرێت و بەشێکی زۆری ماددەکان گەیشتوون كە بۆ هەر هاووڵاتییەك بەم شێوەیە (سێ کیلۆ برنج،  یەک کیلۆ شەکر، چوارسەد گرام دۆشاو، یەک لیتر زەیت، نیوکیلۆ نیسک،  نیوکیلۆ ئارینۆک).

زانیاریی زیاتر: وەزارەتی بازرگانی سەبارەت بە ئارد ئاماژەی بە ئەوە داوە كە سێیەم بەشە ئارد بڕیارە دابەش بكرێت و ئامادەكاریی كراوە بۆ وەرگرتنی گەنم لە سایلۆكان لەلایەن ئاشەكانەوە بۆ دابەشكردنی ئارد بەسەر بریكارەكاندا.