ئاسایشی گشتیی سووریا پۆشینی ڕووخسار لە کارمەندەکانی قەدەغە دەکات

ئاڤا نیوز 

 

ڕۆژی هەینی ئاسایشیی گشتیی سووریا فەرمانێکی جێبەجێکردنی بۆ سەرجەم کارمەندەکانی دامەزراوە ئەمنییەکانی وڵاتەکەی دەرکرد.

 

وێنە گەورەکە: ڕۆژی 28-3-2025، وەزارەتی ناوخۆی سووریا فەرمانی قەدەغەکردنی پۆشینی ماسک یان ' بەکارهێنانی دەمامک' بۆ داپۆشینی ڕووخسار بۆ سەرجەم کارمەندەکانی تا ماوەیەکی نادیار قەدەغەکرد.

ڕاگەیێنراوی فەرمی: بەڕێوەبەرایەتی ئاسایشی گشتی دیمەشق ڕایگەیاند: فەرمانەکە سەرجەم کارمەندەکانی ئاسایشیی سووریا کە لە شوێنە گشتییەکانی دیمەشق کاردەکەن دەگرێتەوە.

 

ئەوەی پێویستە بیزانیت: کارمەندەکانی ئاسایشیی سووریا، پێشتر ئەندامی چەند  گرووپێکی  چەکدار بوون و بۆ شاردنەوەی ڕووخساریان دەمامکیان بەکاردەهێنا، ئێستا بەم بڕیارە حکومەتی ڕاگوێزەری سووریا دەیەوێت لەچوارچێوەی دامەزراوەیدا کارەکانی ڕێکبخاتەوە و متمانەی هاووڵاتیانی بەدەستبهێنێت. 

زانیاریی زیاتر: بەڕێوبەرایەتیی ئاسایش ئاماژەی بەوە کرد، ئامانج لەم فەرمانە ‌ئاسانکاریکردنە بۆ بەرقەرار کردنی ئارامی و ئاسایشیی سووریا و کۆنترۆڵکردنی دۆخی گشتیی دیمەشقی پایتەختە.