قاچاخچییەک کە ماددەی هۆشبەری لە نێو نانی 'تۆست' شاردبووەوە دەستگیر دەکرێت

ئاڤا نیوز

 

لە دەروازەی سنووری شەلەمچە لە باشووری عێراق دەست بەسەر بڕێک ماددەی کریستاڵی هۆشبەر دەگێرێت، کە لە نێو نانی جۆری تۆست حەشار درابوو.

 

وێنە گەورەکە: هێزە ئەمنییەکانی عێراق لە سێ مانگی ئەم ساڵدا، هەزار و 559 بازرگانی ماددەی هۆشبەریان دەستگیرکردووە، لەنێویاندا 194 بازرگانی نێودەوڵەتین و هەزار و 365 بازرگانی دیکەشیان ناوخۆیین، دەستیشیان بەسەر دوو تۆن و 156 کیلۆگرام ماددەی هۆشبەردا گرتووە.

 

ڕاگەیێنراوی فەرمی:  دەستەی دەروازە سنوورییەکانی عێراق ڕایگەیاند، لە دەروازەی سنووری شەلەمچەی نێوان عێراق و ئێران، قاچاخچییەکی ماددەی هۆشبەر بە هەزار و 450 کیلۆگرام ماددەی کریستاڵەوە کە بەشێوەیەکی پیشەیی لەنێو نانی جۆری تۆست شاردبووەوە، دەستگیر کرا.

 

زانیاریی زیاتر: لەهەمان دەروازە، پێنچشەممەی ڕابردوو 27-3-2025، گەشتیارێکی عێراقی کە لە ئێرانەوە گەڕابوویەوە، بڕێک ماددەی کریستاڵی لە نێو بۆرییەکدا شاردبووەوە، دەستگیر کرا.

 

ئەمەش بزانە: لە ساڵانی 2022، 2023 و 2024،  لە عێراق 40 هەزار کەس بە تۆمەتی ماددەی هۆشبەر دەستگیر کراون.