سوودانی: پابەندبوونی خۆمان بۆ جێبەجێکردنی بەرنامەی حکومەت نوێ دەکەینەوە

 

ئاڤا نیوز

سەرۆکوەزیرانی عێراق بەبۆنەی جەژنەوە پەیامێکی پیرۆزبایی بڵاوکردەوەو، لە بەشێکی پەیامەکەی پابەندبوونی خۆی بە جێبەجێکردنی بەرنامەی حکومەت لە هەموو ڕەهەندە خزمەتگوزاری و کۆمەڵایەتی و ئابوورییەکانیدا،  نوێ دەکاتەوە.

پەیامی فەرمی: محەممەد شیاع سوودانی، سەرۆکوەزیرانی عێراق بەبۆنەی جەژنی ڕەمەزانەوە، پەیامێکی لە پەڕەی فەرمی خۆی لە تۆڕی کۆمەڵایەتی ئێکس، بە هەرسێ زمانی کوردی، عەرەبی و ئینگلیزی بڵاوکردەوە:

٠ بەبۆنەی جەژنی ڕەمەزانەوە، داواکارین لە خوای گەورە، ڕۆژەکانی لە گەلی عێراقی شەرەفمەندمان و هەموو ئوممەتی ئیسلامی پیرۆز بکات و تاعەت و کردەوەی چاکە و هەوڵەکانمان بۆ ڕازیکردنی قبووڵ بکات و ئاشتی و ئاسایش بەسەر هەموو جیهاندا بڵاو بێتەوە.

٠ پابەندبوونی خۆمان بە جێبەجێکردنی بەرنامەی حکومەت لە هەموو ڕەهەندە خزمەتگوزاری و کۆمەڵایەتی و ئابوورییەکانیدا نوێ دەکەینەوە و بەردەوام دەبین لە کارکردن لە هەموو کات و بارودۆخێکدا بەبێ وەستان.

٠ هەموو هەوڵێک دەخەینەگەڕ بۆ ئاوەدانکردنەوە و گەشەپێدان، بەپێی بەرژەوەندییە باڵاکانی گەلەکەمان و خواستەکانی هەموو ڕۆڵەکانی.