وەزارەتی دادی عێراق 500 زیندانی ئازاد دەکات

ئاڤا نیوز

 

بەبۆنەی جەژنی ڕەمەزان و بەبشتبەستن بەیاسای لێبوردنی گشتیی وەزارەتی دادی عێراق نزیکەی 500 زیندانی ئازاد دەکات.

 

وێنە گەورەکە: بەپێی یاسای لێبوردنی گشتیی، ئەنجوومەنی باڵای دادوەری عێراق بڕیاری ئازادکردنی زیندانییان دەدات،  دواتر وەزارەتی داد نووسراوێک ئاڕاستەی ئەنجوومەن بۆ دڵنیابوون لە بڕیاری قەتعی ئازادکردنەکە دەکات، ئەگەر زیندانی تاوانبار نەبێت لە کەیسێکی دیکە  ئازاد دەکرێت.

 

لێدوانی فەرمی: ئەحمەد لعێبی، گوتەبێژی وەزارەتی دادی عێراق ڕایگەیاند: بەبشتبەستن بەیاسای لێبوردنی گشتیی وەزارەتی داد 350 بۆ 500 زیندانی ئازاد کردووە و پێشبینی دەکەن لە ماوەی داهاتوودا رێکارەکان لەنێو دادگاکاندا خێراتر بەڕێوەبچن و ژمارەیەکی زۆری زیندانییان کەیاسای لێبوردنی گشتیی دەیانگرێتەوە ئازاد بکرێن.

 

زانیاریی زیاتر: لعێبی ئاماژەی بەوەشکرد، ئازادکردنی ژمارەیەکی زۆر لەو زیندانییانەی یاسای لێبوردنی گشتی دەیانگرێتەوە، تاوەکو ناوەڕاستی ئەمساڵ قەرەباڵغی و جەنجاڵی نێو زیندانەکان بەشێوەیەکی بەرچاو کەمدەکاتەوە.