ئیسرائیل نیگەرانە لە بەرەپێشچوونی پەیوەندییەکانی تورکیا و سووریا

ئاڤا نیوز

 

لەگەڵ زیادبوونی هاوکارییەکانی نێوان سووریا و  تورکیا، نیگەرانییەکان لە ئیسرائیل پەرەدەسەنن و بەتایبەت دوای ئەوەی بڕیاری دامەزراندنی بنکەی سەربازی تورکیا لە سووریا درا.

 

وێنە گەورەکە: دوای ڕووخانی دەسەڵاتی بەشار ئەسەد، دەسەڵاتدارانی ئێستای سووریا پەیوەندییەکی پتەویان لەگەل وڵاتی تورکیا هەیە، دوای سەردانەکەی ئەحمەد شەرع، سەرۆکی سووریا بۆ قۆناغی ڕاگوێزەر هەردوو وڵات ڕێککەوتن لەسەر دامەزراندنی دوو بنکەی سەربازی تورکیا ئەمەش نیگەرانی ئیسرائیلی لێکەوتووەتەوە.

 

زانیاریی بەدەستهاتوو: ڕۆژنامەی ' ئۆرشەلیم پۆست'ی ئیسرائیلی لە زاری سەرچاوەیەکی ئەمنی ئیسرائیل ڕایگەیاند:  لە چەند هەفتەی ڕابردوودا سەرکردایەتیی سیاسی و ئەمنی ئیسرائیل چەندین کۆبوونەوەیان ئەنجامداوە و نیگەرانییەکانیان سەبارەت بە پتەوبوونی پەیوەندییەکانی  تورکیا و سووریا دەرخستووە. 

 

کاریگەری و لێکەوتەکان: وەک کاردانەوەیەک دژی هەر هەڕەشەیەکی سەربازی ناوچەکە بۆ سەر وڵاتەکەی، ئیسرائیل هێرشی کردە سەر بنکەی سەربازی T4  سووریا و ڕایانگەیاند، ئامانج لەم هێرشە ئەوە بوو کە ڕێگە نادەین ئازادی ئۆپەراسیۆنەکانمان لە سووریا بکەوێتە ژێر مەترسییەوە.  

 

ئەمەش بزانە: تورکیا دەیەوێت دوو بنکەی سەربازی لە سووریا دەبمەزرێنێت ئەمە جگە لە جێگیر کردنی 50  فڕۆکەی جەنگی ئێف 16 لە سووریا.