حەشدی شەعبی لەبارەی هەوڵی دزەکردن لە سنووری عێراق و سووریا ڕوونکردنەوە دەدات

ئاڤا نیوز

دەستەی حەشدی شەعبی ڕەتیدەکاتەوە هەوڵی دزەکردن لە سنووری عێراق و سووریاوە هەبووبێت و دەڵێت، پێویستە دەزگاکانی ڕاگەیاندن پێش بڵاوکردنەوە، هەواڵەکان پشتڕاست بکەنەوە.

ئەوەی پێویستە بیزانیت: دوای ڕووخانی دەسەڵاتەکەی ئەسەد، زۆرترین هەستیاریی و نیگەرانیی هێزە ئەمنییەکانی عێراق لەگەڵ سنووری سووریایە، ئەویش بەهۆکاری ئەوەی مەترسی دزەکردنی داعش و گرووپە چەکدارەکانی دیکە لە سووریاوە بۆ ناو عێراق زیاتربووە.

ڕاگەیێنراوی فەرمی: دەستەی حەشدی شەعبی لە ڕاگەیێنراوێکدا ئاماژەی بەوەکردووە، "ئەو هەواڵە ڕەتدەکەینەوە کە سەبارەت بە شکست پێهێنانی هەوڵێکی دزەکردنی سنوور لە سنووری عێراق و سووریا بڵاوکراوەتەوە، ئێمە هیچ ڕاگەیێنراوێکی فەرمیمان لەسەر ئەم بابەتە بڵاونەکردووەتەوە".

- حەشدی شەعبی داواش لە دەزگاکانی ڕاگەیاندن و تۆڕە کۆمەڵایەتییەکان دەکات هەواڵ لە سەرچاوەی فەرمیی دەستەی حەشدی شەعبییەوە وەربگرن، ئەویش بە ئامانجی گەرەنتیکردنی ڕادەست و دروستی زانیارییەکان و ڕێگریی لە بڵاوبوونەوەی هەواڵی ناڕاست.