سەرۆککۆماری عێراق:  کوردانی فەیلی پێکهاتەیەکی ڕەسەن و سەرەکی عێراقن

 

ئاڤا نیوز

سەرۆککۆماری عێراق بڵاوی کردەوە، کوردانی فەیلی پێکهاتەیەکی ڕەسەنی عێراقن و پێویستە کار بۆ دەستەبەرکردنی مافە ڕەواکانیان بکرێت.

وێنە گەورەکە: کوردانی فەیلی وەک پێکهاتەیەکی سەرەکی عێراق لە ساڵانی هەشتاکان تووشی جینۆساید و کۆچی زۆرەمڵی بوونەتەوە لەسەر دەستی ڕژێمی بەعسی ئەوکات و دەستیش بەسەر ماڵ و موڵکیان دا گیراوە.

ڕاگەیێنراوی فەرمی: لەتیف ڕەشید، سەرۆککۆماری عێراق لە پۆستێکدا لە پلاتفۆرمی ئێکس ڕایگەیاند:

٠ بە ڕێزێکی زۆرەوە یادی شەهیدانی کوردانی فەیلی دەکەینەوە کە لەپێناو ئازادی نیشتمان گیانیان بەخشیوە.

٠ ڕۆڵی مێژوویی کوردانی فەیلی و تێکۆشانیان دژی ڕژێمی ستەمکاری بەعس لەیاد ناکرێت.

٠ کوردانی فەیلی پێکهاتەیەکی ڕەسەن و سەرەکی عێراقن، زۆر گرنگە کاربکرێت بۆ گەڕانەوەی مافەکانیان.

٠ بەشداریکردنی کوردانی فەیلی لە کایەی سیاسیدا کاردانەوەی ئەرێنی لە  پێشکەوتنی عێراق دەبێت و ڕێگری لە گەڕانەوەی دیکتاتۆرییەت دەکات.