مالیکی هۆشداری لەبارەی هەڵبژاردنی داهاتووی پەرلەمانی عێراق دەدات

ئاڤا نیوز

 

لەگەڵ نزیکبوونەوەی وادەی هەڵبژادنەکانی پەرلەمانی عێراق، سەرۆکی هاوپەیمانیی دەوڵەتی یاسا، داوای ئەنجامدانی هەڵبژاردنێکی پاک و بێگەرد  و دوور لە بەکارهێنانی سامانی گشتی، ساختەکاری و دەستکاریکردنی دەرەنجامەکانی دەکات.

 

وێنە گەورەکە: بڕیارە مانگی 10ـی ئەمساڵ، هەڵبژاردنی پەرلەمانی عێراق بەڕێوەبچێت، چاوەڕوان دەکرێت ڕکابەرییەکی تووند لە نێوان لایەنە سیاسیەکان هەبێت و گۆڕانکاریش لە نەخشەی سیاسیی ئێستای عێراق ڕووبدات.

 

لێدوانی فەرمی: نوری مالیکی، سەرۆکی هاوپەیمانیی دەوڵەتی یاسا ڕایگەیاند: هەڵبژاردنێکی پاک و پێگەرد و دوور لە بەکارهێنانی سامانی گشتی و سەختەکاری و دەستکاریکردنی دەرەنجامەکانی، ماف و ئەرکی هەموو هاووڵاتییەکە و تاکە ڕێگایە بۆ گەیشتن بە گۆڕانکارییەکی ئاشتیانە و بێ کێشە لە دەسەڵاتدا.

 

ئەوەی پێویستە بیزانیت: بەشێکی دیکە لە وتەکانی نوری مالیکی:

 

-وێڕای هەندێک لایەنی نەرێنی لە هەڵبژاردنەکانی پێشوودا، بەڵام تاوەکو ئێستا پرۆسەی هەڵبژاردن لە عێراق بەباشی بەڕێوەدەچێت.

 

-پێویستە هاووڵاتییانی عێراق بڕوایان بە پرۆسەی هەڵبژاردن هەبێت و نابێت هیچ پروپاگەندەیەک کاریگەری لەسەر بەشداریکردنیان دروست بکات .