نرخی نەوت بەشێوەیەکی بەرچاو دابەزی

 

ئاڤا نیوز

دوای سەپاندنی باج لەلایەن ئەمریکاوە لەسەر وڵاتانی جیهان و بڕیاری زیادکردنی بەرهەمی نەوت لەلایەن ئۆپیکەوە، نرخی نەوت بە شێوەیەکی بەرچاو دابەزی.

چیرۆکی سەرەکی: دوای بڕیاری ئۆپێک پڵەس بۆ زیادکردنی بەرهەمهێنانی نەوت و وەڵامدانەوەی باجی زیادەی گومرگی ئەمریکا لەلایەن چینەوە بە ڕێژەی 34%، لە دوێنێوە نرخی نەوت 10 دۆلار دابەزیوە.

ڕاگەیێنراوی فەرمی: رێکخراوی وڵاتانی هەناردەکاری نەوت (ئۆپێک پڵەس) ڕایگەیاند: دەکرێت بەپێی دۆخی بازاڕی نەوت زیادکردنی ڕێژەی بەرهەمهێنانی نەوت لە ئاستێکدا ڕابگیرێت یاخود کەمبکرێتەوە، لەئێستادا دۆخی بازاڕی نەوت باش و ئەرێنییە.

لە لایەکی دیکەوە: دوای ئەوەی ترەمپ باجی بەسەر بەرهەمە چینییەکان بۆ وڵاتەکەی سەپاند، وەزارەتی بازرگانیی چین رایگەیاند، بە رێژەی 34%، باجی زیادەی گومرگی بەسەر ئەمریکادا دەسەپێنن.