لە ماوەی 24 کاتژمێری ڕابردوودا 60 کەس لە غەززە کوژراون

ئاڤا نیوز

 

بەهۆی بۆردوومانە ئاسمانییە بەردەوامەکانی سوپای ئیسرائیل بۆ سەر کەرتی غەززە، دوێنێ تا بەرەبەیانیی ئەمڕۆ دەیان کەس کوژراون.

 

وێنە گەورەکە: زیاتر لە دوو هەفتەیە ئیسرائیل دوای دوو مانگ لە ئاگربەست، جارێکی دیکە هێرشە ئاسمانییەکانی بەشێوەیەکی بەرفراوان بۆ سەر کەرتی غەززە دەستپێکردەوە و تا ئێستا زیاتر لە هەزار کەس کوژراون.

 

ڕاگەیێنراوی فەرمی: وەزارەتی تەندروستیی غەززە ڕایگەیاند: لە ماوەی 24 کاتژمێری ڕابردوو بەهۆی بۆردوومانە چڕەکانی سوپای ئیسرائیل بۆ سەر کەرتی غەززە 60 هاووڵاتیی کوژران و سەدانی دیکەش برینداربوون.

 

بۆچوونی لایەنی بەرامبەر: ئیسرائیل ڕایگەیاندووە، هێرشەکانی بۆ سەر کەرتی غەززە بەرفراوانتر دەبن تا ئەوە کاتەی بزووتنەوەی حەماس ناچار دەکەن سەرجەم بارمتەکان ئازاد بکات و کەرتی غەززەش لەو بزووتنەوەیە پاک بکەنەوە.

 

لەلایەکی دیکەوە: بڕیارە ستیف ویتیکۆف، نێردەی تایبەتی دۆناڵد ترەمپ، سەرۆکی ئەمریکا سەردانی ڕۆژهەڵاتی ناوەڕاست بکات بۆ تاوتوێکردنی ڕاگەیاندنی ئاگربەستی غەززە.