هاتووچۆی هەولێر چەند ڕێنماییەکی تایبەت بە شۆفێران دەردەکات

ئاڤا نیوز

بەهۆی گۆڕانی کەشوهەوا و دابەزینی پلەکانی گەرما، بەڕێوەبەرایەتیی هاتووچۆی هەولێر ژمارەیەک ڕێنمایی تایبەت بە شۆفێران دەردەکات.

وێنە گەورەکە: ئەمڕۆ 5-4-2025، سەرەڕای گۆڕانی کەشوهەوا و نزمبوونەوەی پلەکانی گەرما، تەرزە لە چەند شوێنێکی سنووری پارێزگای هەولێر باری.

ڕاگەیێنراوی فەرمی: بەڕێوەبەرایەتیی هاتووچۆی هەولێر ڕایگەیاند: ئەگەر هەیە تەرزە لە سەنتەری شاری هەولێریش ببارێت، بۆیە ڕێنمایی شۆفێران دەکەین کە ئەم خاڵانە لە کاتی تەرزە باریندا ڕەچاو بکەن:

1- لەکاتی تەرزە باریندا نابێت شوفێری بکرێت، ئەگەر لەکاتی شوفێری دابوویت پێویستە ڕاستەخۆ ئۆتۆمبێلەکەت لە کەناری شەقامەکەدا بوەستێنیت، چونکە ئەم تۆپە بەفرە بچوکانە دەبنە هۆی خلیسکان و لێکخشانی تایەی ئۆتۆمبێل لەگەڵ شەقام کەم دەبێتەوە و ئاستی بینین کەم دەبێتەوە، ئەمەش ئەگەری ڕوودانی ڕووداوی هاتووچۆ زیاد دەکات.

2- ئۆتۆمبێلەکەت ببەرە گەراج یان شوێنێک سەقفی هەبێت یان دایپۆشە، بۆئەوەی ڕاستەوخۆ تەرزەکە بەر ئۆتۆمبێلەکە نەکەوێت یان شوشەکانی بشکێنێت یان زیان بە ئۆتۆمبێلەکەت بکەوێت.