نوێنەری سەرۆك بارزانی سەردانی بەرهەم ساڵح دەكات

 

ئاڤا نیوز

شاندێكی باڵا به‌ نوێنه‌رایه‌تی سەرۆك مه‌سعود بارزانی، سه‌ردانی دكتۆر به‌رهه‌م ساڵح ده‌كات، بەمەبەستی گەیاندنی پەیامی سەرەخۆشی بۆ كۆچی دوایی براكەی.

چیرۆکی سەرەکی: سیداد بارزانی، بە نوێنەرایەتیی سەرۆك مەسعود بارزانی، ئەمڕۆ یەکشەممە 2025-04-06، بەیاوەری شاندێكی باڵا، سه‌ردانی دكتۆر به‌رهه‌م ساڵح، سه‌رۆك كۆماری پێشووتری عێراق كرد، بەمەبەستی بەسەركردنەوە و گەیاندنی پەیامی سەرەخۆشی سەرۆك بارزانی بۆ پرسەی كۆچكردوو 'بەڵێن ساڵح' برای.

ئەوەی پێویستە بیزانیت: ڕۆژی 2025-03-30، بەڵێن ساڵح، نووسەر و ڕۆژنامەنووس لە ئەمریكا كۆچی دوایی كرد كە بۆماوەی 26 ساڵ لە دەنگی ئەمریكا وەك ڕۆژنامەنووس كاری كردووە.