پاسپۆرتی سلێمانی ئاگاداری کوردانی تاراوگە دەکاتەوە

ئاڤا نیوز

هاووڵاتییانی تاراوگە ئاگادار دەکرێنەوە کە بەهیچ جۆرێک کار بە وێنەی تۆماری ئەلیکترۆنی ناکرێت بۆ ڕایکردنی مامەڵەی دەرکردن و نوێکردنەوەی پاسپۆرت.

ڕاگەیێنراوی فەرمی: پاسپۆرتی سلێمانی ڕایگەیاند، ئاگاداری سەرجەم هاووڵاتییانی تاراوگە دەکەینەوە کە لە دەرەوەی عیراق و هەرێمی کوردستان نیشتەجێن، بۆ دەرکردن و نوێکردنەوەی پاسپۆرت بە بڕیاری وەزارەتی ناوخۆی حکومەتی فیدڕاڵی، بەهیچ جۆرێک کار بە "صورە قەیدی ئەلیکترۆنی" ناکرێت، بەڵکو تەنیا بە کارتی نیشتمانی دەتوانن مامەڵەکانیان ڕایی بکەن.

زانیاریی زیاتر: پاسپۆرتی سلێمانی دەڵێت، هەر کەسێک پێویستە لە کاتی گەڕانەوەی بۆ هەرێمی کوردستان مۆڵەتی 30 ڕۆژ وەرگرێت، لەبەرئەوەی تەواو بوونی کارتی نیشتیمانی ماوەکەی 20 بۆ 30 ڕۆژی پێ دەچێت .