نێچیرڤان بارزانی و ئەحمەد شەرع بەشداری لە کۆڕبەندی ئەنتاڵیا دەکەن

ئاڤا نیوز

بڕیارە لە ڕۆژانی داهاتوودا نێچیرڤان بارزانی، سەرۆکی هەرێمی کوردستان و ئەحمەد شەرع، سەرۆککۆماری سووریا سەردانی شاری ئەنتاڵیای تورکیا بکەن، بە ئەگەرێکی زۆرەوە ڕەنگە یەک ببینن.

وێنە گەورەکە: بڕیارە لە ڕۆژانی 11 بۆ 13ی ئەم مانگە کۆڕبەندێکی زۆر گرنگ لەشاری ئەنتاڵیای تورکیا بەڕێوە بچێ کە چالاکییەکی سیاسی گرنگ بەخۆیەوە دەبینێت. لە کۆڕبەندەکەی ئەمجارە سەرۆکی هەرێمی کوردستان و سەرۆکی سووریاش ئامادە دەبن.

ئەوەی پێویستە بیزانیت: کۆڕبەندی ئەنتاڵیا چەند ساڵێکە لە شاری ئەمتاڵیای تورکیا ئەنجامدەدرێ و لەلایەن وەزارەتی دەرەوەی تورکیاوە بەڕێوە دەچێ کە ساڵانە ژمارەیەکی زۆر لە سەرکردە و سیاسەتمەدار و سەرۆکی وڵاتان تێیدا بەشدار دەبن.

بۆچی گرنگە: گرنگی کۆڕبەندەکەی ئەمجارە ئەوەیە کە نێچیرڤان بارزانی، سەرۆکی هەرێمی کوردستان و ئەحمەد شەرع، سەرۆککۆماری سووریا تێیدا بەشدار دەبن، پێشبینی دەکرێت هەردووکیان یەک ببینین و چاویشیان بە ڕەجەب تەیب ئەردۆگان، سەرۆککۆماری تورکیا و هاکان فیدان، وەزیری دەرەوەی ئەو وڵاتە بکەوێت.

زانیاریی زیاتر: بڕیارە ژمارەیەک سەرۆک و سەرکردەی وڵاتانی تریش ببین کە هەموو ئەمانەش لە ماوەی ئەو سێ رۆژەدا میوانی ئەردۆگانی سەرۆککۆماری تورکیان.