هۆشداری بە بەشێک لە شوفێرانی ئۆتۆمبێل و ماتۆرسکیلەکان دەدرێت

ئاڤا نیوز

 

هاتووچۆی هەولێر شوفێران ئاگادار دەکاتەوە و دەڵێت، هەر شۆفێرێک دەستکاری تابلۆکەی بکات و و بەبێ تابلۆ بسوڕێنەوە، ئۆتۆمبێل و ماتۆرسکیلەکەی دەستی بەسەردا دەگیرێت.

 

وێنە گەورەکە: بەشێک لە شوفێران دەستکاری تابلۆکانیان دەکەن یان تابلۆکانیان لێدەکەنەوە لە شەقامەکان و دەسوڕێنەوە، هاوکات بەشێک لە ماتۆرسکێلەکان لە شەقامەکان نمایش دەکەن و مەترسیی بۆ سەر ژیانی هاووڵاتییان دروست دەکەن، بۆ ئەو مەبەستەش هاتووچۆی هەولێر بڕیاریداوە لێپێچینەوە لەگەڵ ئەو کەسانە بکات و ڕووبەڕووی ڕێکارە یاساییەکانیان بکاتەوە.

 

ڕاگەیێنراوی فەرمی: بەڕێوەبەرایەتیی هاتووچۆی هەولێر ڕایگەیاند، لەپێناو ڕێکخستنەوەی هاتووچۆ و کەمکردنەوەی ڕووداوەکانی هاتووچۆ، ئەو ماتۆڕسکیلانەی سەرپێچی یاساکانی هاتووچۆ دەکەن و نمایش لە شەقامەکان ئەنجام دەدەن و مەترسی دەخەنە سەر ژیانی خۆیان و شوفێرانی تر، دەستیان بەسەردا دەگیرێت.

زانیاریی زیاتر: هەر ئۆتۆمبێلێک دەستکاری تابلۆکەی بکرێت یان تابلۆکەی لێبکرێتەوە و بێ تابلۆ بسوڕێتەوە لە شەقەمەکان، دەستی بەسەردا دەگیرێت و لێپرسینەوەی یاسایی لەگەڵ شۆفێرەکەی دەکرێت.

 

ئەوەی پێویستە بیزانیت: لە ماوەی ڕابردوو لە سۆشیاڵ میدیا گرتەڤیدیۆی ئەو ماتۆسکیلانە بڵاوبۆوە کە نمایش دەکەن لەسەر شەقامەکان، بۆیە هاتووچۆی هەولێر ئەم بڕیارەی دەرکردووە.