ئەمریکا هێرشەکانی بۆ سەر حووسییەکان زیاتر کردووە

ئاڤا نیوز

ئەمریکا ژمارە و ئاستی هێرشەکانی بۆ سەر حووسییەکانی یەمەن زیاتر کردووە، هاوکات ئامانجەکانیشی فراوانتر و هەمەجۆرتر کردوون.

ئەوەی پێویستە بیزانیت: زیاتر لە هەفتەیەکە ئەمریکا قۆناغێکی نوێی لە هێرشکردنە سەر حووسییەکان دەستپێکردووە کە تیایدا ژێرخان، کۆگای چەک، ناوەندی پەیوەندییەکان، سیستەمی ڕادار و شوێنی کۆبوونەوەی حووسییەکان دەکاتە ئامانج. 

ئەمەش بزانە: لەگەڵ ئەمەشدا هێشتا فەرماندەیی ناوەندیی ئەمریکا، سێنتکۆم، هیچ زانیارییەکی نوێی سەبارەت بە هێرشەکان ڕانەگەیاندووە. 

ڕاگەیێنراوی فەرمی: بە گوێرەی سەرچاوەکان بێدەنگیی سێنتکۆم سەبارەت بەم قۆناغە نوێیە ئامانجدارە و سێنتکۆم دەیەوێت هیچ وردەکارییەک لەم بارەوە بڵاو نەکاتەوە تا حووسییەکان پەی بە پلانەکانی ئەمریکا نەبەن.