سوودانی سەردانی هەولێر دەکات

ئاڤا نیوز

 

سەرۆکوەزیرانی عێراق سەردانی هەولێر دەکات و لەگەڵ سەرۆک بارزانی و مەسرور بارزانی سەرۆکوەزیرانی هەرێمی کوردستان لەسەر چەند بابەتێکی گرنگ کۆدەبێتەوە، لەوانە پرسی هەناردەکردنەوی نەوتی کوردستان.

زانیاریی تایبەت: بەگوێرەی زانیارییەکانی ئاڤا، بڕیارە پێش نیوەڕۆی ئەمڕۆ شەممە 12ی نیسان، محەممەد شیاع سوودانی، سەرۆکوەزیرانی عێراق بگاتە شاری هەولێر.

 

زانیاریی زیاتر: سوودانی لە سەردانی بۆ هەولێر لەگەڵ سەرۆک بارزانی و سەرۆکوەزیران مەسرور بارزانی کۆدەبێتەوە و تاوتوێی چەند پرسێک لەوانە پەیوەندیەکانی نێوان هەولێرو بەغدا، پرسی هەناردەکردنەوەی نەوتی هەرێمی کوردستان و هەڵبژاردنەکانی داهاتووی پەرلەمانی عێراق کێشە هەڵپەسێردراوەکانی نێوان هەولێرو بەغدا.

 

ئەوەی پێویستە بیزانیت: لەدوای دەستبەکاربوونی وەک سەرۆکوەزیرانی عێراق، ئەمە جاری چوارەمە محەممەد شیاع سوودانی، سەردانی هەرێمی کوردستان دەکات، جاری یەکەم لە مانگی سێی ساڵی 2023 بوو، سەردانی دووەمیان لە مانگی حەوتی هەمان ساڵدا بوو، جاری سێیەمیش لە نۆڤەمبەری ساڵی ڕابردوو بوو ، بەڵام ئەمە یەکەم سەردانییەتی لە ساڵی 2025.