زۆربەی زیندانییانی عێراق بە تاوانی ماددەی هۆشبەر سزا دراون

ئاڤا نیوز

 

بەپێی ڕاپۆرتێکی نووسینگەی کۆمیسیۆنی باڵای مافی مرۆڤ، 75%ـی زیندانییانی زیندانەکانی بەشێک لە پارێزگاکانی باشووری عێراق بە تاوانی ماددەی هۆشبەر سزا دراون.

 

وێنە گەورەکە: ئاماری بەکارهێنان و بازرگانیکردن بە ماددە هۆشبەرەکان بەشێوەیەکی بەرچاو زیادی کردووە. بەجۆرێک، ڕێکخراوە ناوخۆیی و بیانییەکان هۆشداریانداوە لەوەی عێراق ببێتە ناوەندێک بۆ بڵاوکردنەوەی ئەو ماددانە لە ناوچەکە.

لێدوانی فەرمی: مەجید جەیاشی، بەڕێوەبەری نووسینگەی موسەننا لە کۆمسیۆنی باڵای مافی مرۆڤی عێراق ڕایگەیاند: 75%ـی زیندانییانی پارێزگای موسەننا و بەشێک لە پارێزگاکانی دیکەی باشووری عێراق بە تاوانی بەکارهێنان، بازرگانیکردن یاخود قاچاخچێتی ماددەی هۆشبەر سزا دراون.

 

ئەمەش بزانە:  ساڵی 2024 لە عێراق 14 هەزار کەس بەتۆمەتی بەکارهێنانی ماددەی هۆشبەر دەستگیرکراون، دەستیش بەسەر زیاتر لە شەش تۆن لەو ماددەیەدا گیراوە.