عێراق کۆتاییهاتنی خزمەتگوزاری وای فای لەمساڵدا ڕادەگەیێنێت

ئاڤا نیوز

وەزیری پەیوەندییەکانی عێراق دووپاتیکردەوە کە ئەمساڵ کۆتاییهاتنی خزمەتگوزاری ئینتەرنێتی وای فایە لە عێراق و هاوکات ئاماژەی بەوەدا کە دەرگای وەزارەتەکەیان کراوەیە بۆ پڕۆژەکانی کەرتی تایبەت لە بوارەکانی زیرەکی دەستکرد و ئاسایشی ئەلیکترۆنی.

 

لێدوانی فەرمی: هیام یاسری، وەزیری پەیوەندییەکانی عێراق لە میانی لووتکەی بازرگانی عێراقدا ڕایگەیاند، خزمەتگوزاری ئینتەرنێتی لە ڕێگەی وای فای تا ساڵی 2025 قۆناغ بە قۆناغ کۆتایی پێدێت، ئەمەش لە چوارچێوەی پلانی وەزارەتی پەیوەندییەکان بۆ گواستنەوە بۆ تۆڕی فایبەر ئۆپتیک، کە لە ڕێگەیەوە ئینتەرنێتی خێراتر و جێگیرتر بۆ هاووڵاتیان دابین دەکات.

 

لە هەمان کاتدا: هیام یاسری ئاماژەی بەوەشکرد، دەرگای وەزارەت کراوەیە لە بەردەم بۆ پڕۆژەکانی کەرتی تایبەت لە بوارەکانی زیرەکی دەستکرد و ئاسایشی ئەلیکترۆنی، ئەمەش لە چوارچێوەی هەوڵەکانی وەزارەت بۆ پاڵپشتیکردنی گۆڕانکاری دیجیتاڵی و بەهێزکردنی ئابووری دیجیتاڵی لە عێراق.