کۆمیسیۆن داوایەکی ڕێكخەری گشتی بزووتنەوەی گۆڕان ڕەت دەکاتەوە

ئاڤا نیوز

داواكارییەكی دانا ئەحمەد مەجید، ڕێكخەری گشتی بزووتنەوەی گۆڕان لەلایەن كۆمسیۆنی هەڵبژاردنەكانی عێراق ڕەت دەکرێتەوە کە  تایبەتە بە بەستنی كۆنفرانسی بزووتنەوەکە، چونکە "داواكه‌ پێچه‌وانه‌ی یاسای پارته‌ سیاسییه‌كان و بڕیاری ئه‌نجوومه‌نی كۆمسیارانە."

چیرۆکی سەرەکی: دانا ئەحمەد مەجید، نووسراوێکی بۆ کۆمیسیۆنی هەڵبژاردنەکانی عێراق کردووە، تێیدا داوای ڕێگەپێدان بۆ بەستنی کۆنگرەکە دەکات، ئەمە لەکاتێکدایە هێشتا کۆمیسیۆن دانی بە کۆنفرانسەکەی گردی زەرگەتە نەناوە.

نووسراوی فەرمی: بەگوێرەی نووسراوی فەرمی کۆمیسیۆنی هەڵبژاردنەکانی عێراق کە وەڵامی دانا ئەحمەد مەجیدی داوەتەوە، ئاماژە بەوە دەدات لەبەر ئەم هۆکارانە ڕەزامەندی نەدراوە بۆ بەستنی کۆنگرە، چونکە پێچەوانەی یاسای پارته‌ سیاسییه‌كان و بڕیاری ئه‌نجوومه‌نی كۆمسیارانە.

٠ ده‌سه‌ڵاتی ڕێكخه‌ری گشتی و خانه‌ی راپه‌ڕاندنی دیاركردووه‌ بۆ ماوه‌ی شەش مانگ كه‌ له‌ 2025-03-11 كۆتایی دێت.

٠ نووسراوەکە لەژێر ناونیشانی بەستنی کۆنگرەیە، بەڵام  له‌ ناوه‌ڕۆكدا هیچ ئاماژه‌یه‌ك نییه‌ بۆ دیاركردنی واده‌یه‌ك بۆ به‌ستنی كۆنگره‌ و دیاركردنی کات و شوێن.

٠ ئەو دەستلەکارکێشانەوەی دانا ئەحمەد مەجید، پێشکەشی کردووە پێویستە بە داواکاری کەسی و بەهاوپێچکردنی بەڵگەنامە فەرمییەکان بێت.