لە هەولێر پێشانگەیەکی تایبەت بە یادی ئەنفال دەکرێتەوە

ئاڤا نیوز

ساڵانە لە یادی ئەنفال چەندین چالاکیی هونەریی بەڕێوەدەچن، ئەمڕۆ لە هەولێر رێکخراوی 'کوردستان فۆتۆ' بە ناونیشانی "دەستلەملانێی حەسرەت و ئومێد"  پێشانگەیەکی هاوبەشی بۆ چوار فۆتۆگرافەری هەر چوار پارچەی کوردستان کردەوە. فۆتۆکان گوزارشتیان لە ئاسەواری ئەنفال لەسەر گەلی کورد دەکرد.

وێنە گەورەکە: شاڵاوی بەدناوی ئەنفال لە لایەن ڕژێمی بەعسی ڕووخاو دژ بە خەڵك و خاك و ژینگەی كوردستان ئەنجامدرا و لە زنجیرەیەك شاڵاوی بەدوای یەكدا دەیان هەزار خەڵكی بێتاوانی كوردستانی ڕاپێچی بیابانەكانی باشوور و ناوەڕاستی عێراق كرد و لەگۆڕی بەكۆمەڵدا زیندەبەچاڵ و بێسەروشوێنی كردن.

زانیاریی زیاتر: فۆتو نمایشکراوەکان کە لەلایەن فۆتۆگرافەران ئەرکان عەزیز ، ئەوین عەباسی، جەوهەر کانی هەنجیرەیی، ئازاد توران گیراون، پێشانگایەکە بەشێوەی گەڕۆک لە چەند قوتابخانەیەک دەکرێتەوە. مێژووی وێنەکان و رووداو و بەسەرهاتی ئەو فۆتۆیانە بۆ قوتابیان دەخرێنەڕوو.