سوودانی: دەبێت حەشدی شەعبی لەژێر فەرمانی فەرماندەی گشتیی هێزە چەکدارەکان بێت

ئاڤا نیوز

سەرۆکوەزیرانی عێراق لە نۆیەمین دیداری سلێمانی ڕاگەیاند، حەشدی شەعبی بەشێکی سەرەکییە لە پاراستنی ئەمن و ئاسایشی ناوچەکە و پێویستە بە یاسا ڕێکبخرێتەوە.

چیرۆکی سەرەکی: نۆیەمین دیداری سلێمانی بە بەشداریی زیاتر لە 700 بەرپرسی ناوخۆیی و جیهانی لە نێویاندا محەممەد شیاع سوودانی، سەرۆکوەزیرانی عێراق، دەستیپێکرد و ماوەی دوو ڕۆژ بەردەوام دەبێت و چەندین پانێڵ لەخۆدەگرێت.

لێدوانی فەرمی: محەممەد شیاع سوودانی، سەرۆکوەزیرانی عێراق لە دیدارەکە پانێلێکی پێشکەش کرد و ڕایگەیاند، "دەبێت حەشدی شەعبی بەیاسا ڕێکبخرێتەوە و لە ژێر فەرمانی فەرماندەی گشتیی هێزە چەکدارەکان بێت."

ئەمەش بزانە: حەشدی شەعبی، ڕێکخراوێکی چەکداری عێراقییە کە دەوڵەتی عێراقی پاڵپشتی دەکات. لە دەیان کوتلەی چەکداری جیاواز پێکھاتووە کە زیاتر لە 100 هەزار چەکدار لەخۆدەگرێت.