شاندێکی کوردستان بەشداری لە مەراسیمی بەخاکسپاردنی پاپا دەکات

ئاڤا نیوز

هەرێمی کوردستان هاوشێوەی جیهان هاوخەمی بۆ کۆچی دوایی پاپا فڕانسیس ڕاگەیاند، هەر یەک لە سەرۆک مەسعود بارزانی، نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکوەزیرانی کوردستان پەیامی هاوخەمییان ئاراستەی ڤاتیکان کرد.

وێنەگەورەکە: بۆ کۆچی دوایی پاپا فرانسیس، کۆمەڵێک ڕێورەسمی ئاینی چڕ بەڕێوەدەچن و سەرۆک و سەرکردە و کەسایەتی ئاینی جیاوازی جیهان ئامادەیی مەراسیمەکە دەبن، شاندێکی کوردستانیش بەشدار دەبێت.

لێدوانی فەرمی: خالد جەمال ئەلبێراسیا، بەڕێوەبەری گشتیی کاروباری مەسیحییەکان لە وەزارەتی ئەوقاف بە ئاڤای گوت، چاوەڕێی باڵیۆزخانەی ڤاتیکان دەکەین لە بەغدا کەنیسەی کاسۆلیک لە هەرێمی کوردستان ئاگادار بکاتەوە سەبارەت بە بەشداریکردنی شاندی هەرێمی کوردستان.

زانیاریی زیاتر: پاپا فرانسیس لە کڵێسای سانتا ماریا لە ڕۆما بە خاک دەسپێردرێت، واتە لە دەرەوەی ڤاتیکان. وە پرسەکەی ماوەی 9 ڕۆژ دەخایەنێت

ئەوەی پێویستە بیزانیت: هەرێمی کوردستان پەیوەندییەکی بەهێزی لەگەڵ ڤاتیکان و قەداسەتی پاپا هەبوو، پاپا فرانسیس خۆی وەک یەکەم پاپا لە مێژوودا ساڵی 2021 سەردانی هەرێمی کوردستانی کرد و پێشوازییەکی گەورەی لێ کرا.

باکگراوند: ئەمڕۆ دووشەممە 2025-04-21، پاپا فرانسیس، پاپای ڤاتیکان دوای تووشبوونی بە نەخۆشی هەوکردنی سییەکان لە تەمەنی 88 ساڵیدا کۆچی دوایی کرد.