فایلی خەڵک؛ کارەکانى نۆژەنکردنەوەی ڕێگاى هەولێر و خەبات دەستىپێدەکاتەوە

ئاڤا نیوز

کارکردن لە  پرۆژەی نۆژەنکردنەوەی ڕێگای نێوان خەبات و هەولێر دەستپێدەکاتەوە و نزیکەى پێنج ملیار دیناری بۆ تەرخانکراوە.

وێنە گەورەکە: لە ماوەی ڕابردوو بڕیاری نۆژەنکردنەوەی ڕێگای هەولێر- خەبات لەلایەن پارێزگای هەولێر دەرچوو بوو، بەڵام بەهۆکاری کەمی تێچووی پرۆژەکە کارەکەی وەستا بوو، دووبارە کارەکەی دەستپێکردەوە.

لێدوانی فەرمی: ئومێد خۆشناو پارێزگاری هەولێر دەڵێت: دواى ماوەیەک وەستان لە پڕۆژەکە، ئێستا بە گوژمەی نزیکەى پێنج ملیار دینار دەستکراوەتەوە بە کارکردن لە پڕۆژەى نوژەنکردنەوەی ڕێگای نێوان (هەولێر - خەبات) و کارکردن لەو پڕۆژەیەدا بەردەوامە.

ئەوەی پێویستە بیزانیت: ڕێگاکە بە ڕێگایەکى ستراتیژى گرنگ و بازرگانی دادەنرێت، پارێزگاى هەولێر بە هەردوو پارێزگاى دهۆک و موسڵ دەبەستێتەوە، سایدى هانتەوەش وەکو سایدى چوون بۆ قەزایی خەبات فراوان دەکرێت کە لە پێشووتر بەهۆى تەسکى ڕیگاکە زۆر جار گرفتی بۆ هاتووچۆى هاوڵاتییان دروست دەکرد و ڕووداوى نەخوازراوى لێدەکەوتەوە.