وەزیری کۆچ و کۆچبەرانی عێراق چوار سکاڵا لەسەر پەرلەمانتارێکی کورد تۆمار دەکات

ئاڤا نیوز

وەزیری کۆچ و کۆچبەرانی عێراق چوار سکاڵا لەسەر پەرلەمانتارێکی کورد تۆمار دەکات، ئەو پەرلەمانتارەش داوا لە سوودانی دەکات سنوورێک بۆ بەکارهێنانی دەسەڵاتی دەوڵەت لە یەکلاییکردنەوەی ناکۆکییەکان دابنێت.

چیرۆکی سەرەکی: ڤیان دەخیل، ئەندامی کورد لە پەرلەمانی عێراق بەهۆی خراپی خێوەتگە، خواردنی خراپ و دابین نەکردنی پێداویستی ڕۆژانەی ئاوارەکان، ماوەی ڕابردوو چەند سکاڵایەکی لەسەر وەزارەتی کۆچ و کۆچبەران تۆمارکردبوو.

بڵاوکراوەی فەرمی: ڤیان دەخیل، لە بڵاوکراوەیەک ئاشکرای کرد لەبری چارەسەری کێشەکان کە ئەو وەک ئەرکی خۆی بەدواداچوونی بۆ کردوون،  ئیڤان فایق جابرۆ، وەزیری کۆچ و کۆچبەرانی عێراق چوار سکاڵای لەسەر تۆمارکردووە و تا ئێستاش ئەو دوو سکاڵای بردووەتەوە، دڵنیاشە کە ئەوانی دیکەش دەباتەوە، چونکە ئەو پشتیوانی لە خەڵک کردووە.

ئەو پەرلەمانتارە داواشی لە سەرۆکوەزیرانی عێراق کرد، سنوورێک بۆ ئەو بەرپرسانە دابنێت کە ڕەخنە قبوڵ ناکەن و دەسەڵاتەکانیان لە دەوڵەتدا بۆ یەکلاییکردنەوەی ناکۆکییەکان بەکاردەهێنن.